اليازيه محمد

جديد نجمة النجوم هنا ..
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 بريق الحب ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
موج الغلا
مشرفة ملاك للصور
مشرفة ملاك للصور


انثى
عدد الرسائل : 25
تاريخ التسجيل : 14/12/2006

مُساهمةموضوع: بريق الحب ...   السبت ديسمبر 23, 2006 11:46 pm

بريق الحب....

عائلة ابو فيصل
ابو فيصل "راشد"
ام فيصل"هيا"
اسيل"20 سنة حلوة شعرها اسود كثير وطويل مدرج"
مشاعل "19سنة حلوة شعرها بني فاتح قصير"
ريما"17 سنة حلوةومملوحة"
لينا "12سنة طيبة جدا وحنونة"
فيصل"10 سنوات الولد الوحيد المدلل
جود"5 سنوات بريئة "



رجعت ام فيصل هي واسيل من السوق

ام فيصل : بنات بنا ت
مشاعل :نعم يمه
ام فيصل:تعالوا
مشاعل : ليه
ام فيصل: تعالي وانت ساكته
مشاعل : طيب
ريما : وش فيها امي تزاعق
مشاعل : ماادري عنها بس تعالي نشوف وش عندها
ريما: يالله
ونزلوا البنات
مشاعل: هلا والله تو ماانور البيت
ام فيصل: ايه العبي علي بالكلام الحلو وانا لي ساعة اناديك ويالله تردين
مشاعل : لا حرام عليك ساعة والله ولا دقيقتين ثلاث
اسيل: هذي صيغة مبالغة يالحلوة
مشاعل : ياشين اللقافة
اسيل: ههههههههههه
عائلة ابو محمد"صالح"
ام محمد"سارة"
محمد"23 سنة حلو جدا جدا
ابراهيم 21 سنة خفيف دم وراعي تعليقات وكامن حلو
رهف "19 سنة حبوبة وحلوة صديقة مشاعل الروح بالروح
ماجد"اخر العنقود يحاول يقلد اخوانه وضيع المشيتين لاهو مثل محمد ولا هو مثل ابراهيم عمره16 سنة

محمد: يمه انا بكره باعزم اخوياي خلكم جاهزين
ام محمد:وانت دايم كذا ..وتقلد صوته :بكره عازم اخوياي
ابراهيم :هههههههه حلوة يالغالية
محمد : افا يمه صوتي كذا
ابراهيم :وش قصدك تقصد ان صوت امي مهوب زين
محمد: اسكت بس
ام محمد : ايه صح وش تقصد
محمد: يارب ارحمني
ام محمد: ماصارت مزحة والله ياوليدي طالع حساس بزيادة
محمد: يمه مهيب حساسية بس كلش ولا زعلك
ام محمد: يالله عسى يومي قبل يومك
ابراهيم: لا ان شاء الله جعل يومه هو قبلك ماتقول شيء انت
محمد: انت وش حارك يااخ ابليس
ابراهيم: الحمد لله طلعت انا منها انت قلت اخ ابليس معناته انت ابليس
محمد: هههههههههه منتب سهل والله
ابراهيم: افا وانا اخوك
محمد: بعدي والله يا.... وقاطعه ابراهيم : يا اخ ابليس
وقعدوا يضحكون ويعلقون

رهف : قصروا اصواتكم ماتشوفوني اكلم

محمد: اقول انت اللي انقلعي
رهف : ترا والله مهوب من صالحك
ابراهيم بصوت واطي : تراها تكلم مشاعل اللي هي اخت اسيل
محمد : طيب واذا
ابراهيم حب يقهره : اقول رهوفه اسمعي قولي لها ان محمد بكره عازم اخوياه لا يجونا
محمد: وش دخل اخوياي انا اصلا باحطهم في الملحق
ابراهيم ورهف ميتين ضحك
ابراهيم: تكلم روميو زمانه تكلم ههههههههه
رهف : خلاص يامحمد ولا يهمك ماراح اقولها
مشاعل : الو الو
رهف : ايوا معك
مشاعل: وينك تو
رهف : معك معك
مشاعل : ايه باين
رهف : وش اسوي بمحمد
مشاعل : وش فيه
رهف : بعدين اقولك السالفة من طقطق للسلام عليكم
مشاعل: لاتقولين انه عن اسيل
رهف : اللا علشان كذا خليها بكره اذا اجتمعنا
مشاعل: يالله متى يجي بكره
رهف : هههههههههه



الساعة 2

مشاعل : وش شفتي اليوم في السوق
اسيل : شفت تنورة تجنن تجنن بس القهر انها قصيرة
مشاعل: لا انا مااقصد هذا
اسيل : اجل ايش
ريما : يابنت الحلا فيه ناس في السوق يسمون شباب
اسيل: ههههههههه يالدشير بس كذا حاضرين للطيبين
فيه واحد ياخذ العقل اسمر شوي وملامحه تجنن عذااااااااب
ريما : بالله لابس ثوب واللا بدله
مشاعل: طويل واللا قصير
اسيل: بسم الله علي اصبروا شوي هو لابس ثوب طوله اممم اطول من الوسط
مشاعل : يااااااي .... وبخبث : يعني مثل مين
اسيل : مثل مثل سالم ولد خالي
مشاعل متحطمة: ايه
اسيل : كانه ماعجبك ماشاء الله سالم طوله يجنن وفيه من سكبته واااجد بسم الله عليه
مشاعل تكلم ريما بصوت واطي : ابيها تمدح محمد قامت تمدح ذا السالم اففففف
ريما : هههه من جد قهر
مشاعل : عاد ياحرام شكله يحبها مررررة
ريما : من أي واحد
مشاعل : من غيره زين الحلايا محمد
ريما: شكلك حاطه عينك عليه
مشاعل: ماراح اقولك لا بس هو عمره ماحط عينه علي ولا راح يحط عينه علي
ريما: ههههههههههه اجل وش اقول انا
وقعدوا يضحكون واستغربت منهم اسيل
اسيل؟: خير وش عندكم
مشاعل: ابد سلامتك
ريما بتقهر اسيل : كنا قاعدين نتخيل سالم يلعب سلة ولابس شورت
اسيل : وخير ياطير وش جاب الطاري
مشاعل مرتفع ضغطها : هو شين عاد وهو لابس ثوب واللا شورت
اسيل: ايه هين

ياترى ايش راح تحمل طيات بكره من المواقف

انتظروني


اتمنى يعجبكم الجزء وابي اشوف تفاعل علشان اتحمس انزل الاجزاء الثاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملووكة
مشرفة ملاك للقصص
مشرفة ملاك للقصص


انثى
عدد الرسائل : 48
تاريخ التسجيل : 12/12/2006

مُساهمةموضوع: رد: بريق الحب ...   الخميس يناير 04, 2007 7:35 pm

رووووعة يسلموو ونزلي الجزء الثاني بسرعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موج الغلا
مشرفة ملاك للصور
مشرفة ملاك للصور


انثى
عدد الرسائل : 25
تاريخ التسجيل : 14/12/2006

مُساهمةموضوع: رد: بريق الحب ...   الجمعة يناير 05, 2007 7:13 am

مشكوره على المرور ان شاء الله بنزل الجزء الثاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موج الغلا
مشرفة ملاك للصور
مشرفة ملاك للصور


انثى
عدد الرسائل : 25
تاريخ التسجيل : 14/12/2006

مُساهمةموضوع: رد: بريق الحب ...   الجمعة يناير 05, 2007 7:17 am

في اليوم الثاني
الساعه 9 صباحا:.
اسيل:ريما وين حطيتي اللفافات
ريما: ماأدري عنك
اسيل: انت اللي ماخذتها يوم عماني يجونا
ريما: يووه وش يذكرني
اسيل: مالي دخل طلعيها لو من تحت الأرض
ريما راحت تدورها في غرفتها وغرفة مشاعل
ريما: اسيل اسيلوه يالظالمه لقيتها في غرفة مشاعل
اسيل تنادي: مشاعل مشاعل
مشاعل: خير
اسيل: ليش اخذتي لفافات شعري
مشاعل: هــــه نسيتي يوم اخذها منك قبل امس يوم رحنا الملاهي
اسيل: ايه صح تذكرت سوري ريوم
ريما: اذا كذا مافي مشكله اجل تعرفين تدلعين انت ووجهك
اسيل: اكيد اعجبك
مشاعل بخبث: الحين وراك شايله هم لهدرجه
اسيل: بنلروح اليوم لخالتي ام محمد
مشاعل: طيب ليش مشتقه
اسيل انحرجت وتبي تقهرهم : خالاتي كلهم بيجون ام سالم وام عبدالرحمن
قطعتها مشاعل: بس بس انا عارفه
اسيل: طيب ليش مستغربيين استعدادي وتجهيزاتي
ريما : لانه تونا الساعه 9 الصبح
اسيل: ايه نبدا التجهيزات علشان مانختبص اذا جينا نطلع


وراحوا لبيت ام محمد
فتح الباب محمد
ام فيصل: السلام عليكم
محمد يوم عرفها : وعليكم السلام هلا وغلا توما أنور البيت
ام فيصل: البيت منور بأصحابه
مشاعل: محمد اترك عنك الكلام وخلنا ندخل ترانا ميتين من الحر بسبة مكيف السياره الخربان حسيبي عليه
محمد: بسم الله علي من وين طلعتي انت يالرجه ادخلوا ادخلوا حياكم ... محمد كانت نظراته تدور على اسيل
اما مشاعل اللي ميته ضحك وقبل ماتدخل البيت الداخلي قالت : الله يهديك يامحمد ماخليتنا نفتش مرتز طبخنا من الحر
محمد استحى ودخل الملحق
ريما: هههههههه اعجبتيني شعوله
اسيل : اللا وانت الصلدقه فشلتينا
مشاعل : اه ياقلبي ما اتحمل انا
اسيل : ماتستحين على وجهك البيت بيته وانت اللي تطردينه
مشاعل : وانت بنتنا من حقنا نحرسك من نظرات ال ........
اسل اسكت بس
ودخلوا الصاله والغريب انهم مالقوا احد فجأه دخل عليهم رجال اسمر انتفضوا واحاشوا والوحيده اللي ماتحركت هي ...........



ريما وقفت جامده
اما ابراهيم اللي انصدم وانبهر بالبنت الحلوه اللي واقفه قدامه
كانت النظرات بينهم متبادله ولكن لما استوعبت ريما شهقت ولما انتبه هو استحى وطلع وريما راحت عند البنات وهي تركض
مشاعل: ريما وين كنتي
ريما : قصري صوتك
مشاعل قصرت صوتها : هاه قولي وين
ريما: صنمت فجمدت في الصاله ماقدرت اتحرك بتاتا
مشاعل شهقت: طيب هو شافك
ريما- ايه شافني وحتى هو جمد ماادري كيف كلنا انسجمنا
مشاعل= ايه بعدين
ريما = شهقت وراح هو
مشاعل: ياعيني
ريما:انا الغلطانة عاد ماعلمت اللا انت
مشاعل :اسفة
ريما:لاتوبة اعلمك
مشاعل:خلاص قلت اسفة
ريما:اوكي
مشاعل:طيب ماعرفتي منهو
ريما:اللا ابراهيم ولد خالتي
مشاعل:ترا انا واسيل ماشفناه على طول انحشنا
ريما:بس ماشاء الله يجنن
مشاعل:بدينا
ريما:بدينا ايش
مشاعل لاابد سلامتك

وش وقع اللي صار على ابراهيم
ان شاء الله في الجزء القادم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملووكة
مشرفة ملاك للقصص
مشرفة ملاك للقصص


انثى
عدد الرسائل : 48
تاريخ التسجيل : 12/12/2006

مُساهمةموضوع: رد: بريق الحب ...   السبت يناير 06, 2007 12:27 am

يسلمو على القصة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موج الغلا
مشرفة ملاك للصور
مشرفة ملاك للصور


انثى
عدد الرسائل : 25
تاريخ التسجيل : 14/12/2006

مُساهمةموضوع: رد: بريق الحب ...   الإثنين يناير 08, 2007 4:34 am

اما ابراهيم اللي قعد يفكر ياترى من هذي
اخاف تقول عني قليل أدب لا بس هي بعد وقفت هي الغلطانة مهوب أنا..
بس من جد حلوة ولازم اعرف من هي
سالم: ولد خالتهم حلو مرررة وكشخة عمره 23 سنة
عنده اخت اسمها : شوق حلوه وعمرها 18 سنة صديقة ريما ومرحة جدا
الهنوف : عمرها 12 سنة
وريان : 9 سنوات
سالم : هيه يالحبيب وين وصلت
ابراهيم : هاه لا معك معك
سالم : اتمنى .. المهم وين محمد اخوك ماشفته اليوم
ابراهيم : عند اخوياه في الملحق
سالم : أهاه طيب وين الشباب الباقين
ابراهيم : توهم ماجوا
سالم : حشى جايين عرس
ابراهيم : وسع صدرك .. اللا على فكرة وش اخبار ولد عمك والطب
سالم : تمام .. بس مشكلته قلق تعرف هو سنة أولى ولازم يجيب معدل علشان يتخصص في القسم اللي يبغى
ابراهيم : الله يعينه ويوفقه
سالم :آمين
ابراهيم : سالم وش رايك نروح نسلم على خالاتي
سالم يفكر: اااااااا طيب
ابراهيم : يالله اجل مشينا

تنحنح سالم 70 الف مرة قبل لا يدخل وهذا اللي رفع ضغط ابراهيم

سالم لما دخل : السلام عليكم
الجميع: وعليكم السلام
سالم راح يسلم على خالاته وحده وحده ويوم جاء يكمل لقى حريم باجلتهم وقف معاد عرف وش يسوي وحب يصرف : ابراهيم ماجت خالتي ام عبد الرحمن
ابراهيم: لا الظاهر اللي هناك بنات يعني ماجت
انحرج سالم زيادة : لكن رن الجرس
سالم ؛ من جاء
ابراهيم: ماادري والله
سالم : خلاص اجل بروح افتح الباب
ولما مشى كانت مشيته كلها شموخ وغرور وابهرت كل البنات
مشاعل : اللا على فكرة ليش ماجاء محمد
اسيل بصوت واطي : وش تتوقعين يسوي عقب كلامك اليوم
مشاعل: يستاهل اقول بنات ماشفتوا مشيت سالم ياربيه
اسيل : والله مشيته حلوة
ريما: ايه كمن جد مشيته حلوة خصوصا وهو رافع راسه وكله غرور
اسيل : انا باقوم اشوف ريهام "بنت خالتهم ام عبدالرحمن لها
اخو اسمه عبد الرحمن متزوج وعنده 5 عيال اسم زوجته منيرة
سلطان متزوج وعنده ولدين اسم زوجته مها
امل متزوجه وعندها بنت وولدين
عبدالملك متزوج قبل سنه واسم زوجته ريم
ناصر توه متزوج وحدة اسمها هدى
راكان 22 سنة وحلو
ريهام عمرها 20 سنة تجنن وهي صديقة اسيل

اول من دخل كانت ريهام استقبلتها اسيل
اسيل : هلا والله
ريهام : هلا بك
اسيل: كيفك
ريهام : تمام الحمد لله اسيل تغطي راكان وراي
اسيل مختبصة : مامعي غطوة وش اسوي
ريهام عطت اسيل طرحتها ولكن الشيء اللي ماكان في التوقعات دخول سالم وراه اخذت ريهام الغطوة من اسيل وإما سالم اللي عمره ماتوقع انه يشوف اسيل وما توقع تكون اسيل بهالجمال صحيح هو يعرف انها حلوه لكن يوم شافها طلعت كلمة حلوة شوية عليها
اما اسيل اللي عايشه بدوامه متفشله ومو مستوعبة راحت على طول للمغاسل قبل مايدخل راكان اللي كانت متجهزة تتغطى منه
ولحقتها على طول ريهام
اسيل : الحين ليش اخذتي مني الطرحة فشلتيني
ريهام : يعني وش اسوي
اسيل: طيب ليش ماتغطيتي بالنقاب
ريهام ارتبكت : نقاب لا اليوم جيت مستعجلة وتغطيت بالطرحة
اسيل: يالله احراج استحيت وتفشلت
ريهام: سالم عاد ياكثر مايشوفني
اسيل: عاد انا اول مره
ريهام: وان شاء الله اخر مرة
اسيل ماتدري ليش ضلق صدرها لماسمعت اخر ماقالته ريهام ولا حتى قالت ان شاء الله
ريهام: اسيل معي
اسيل : ايه معك بسرعة خلصي من تصليح شعرك وخلينا نروح للصالة
ولما خلصت ريهام طلعوا من المغاسل وسمعوا فتحت باب ......
على طول توزوا عند المغاسل وقعدوا مرتبكين
محمد يصارخ : ابراهيم ابراهيم
ابراهيم نزل: خير نعم وش عندك
محمد : وش عندك فوق
ابراهيم : وانت وش يخصك
محمد: لاحول بتقول اللي عندك واللا اقول اللي عندي
ابراهيم: لا لا انا باقول كنت قاعد اصلح الطابعة علشان ابطبع اشياء انا وسالم
محمد:انت وهالسالم ماادري وش عندكم مع بعض
ابراهيم: يااخي متفاهمين
محمد: طيب اسمعني انا بروح اسلم على خالاتي انت رح اقعد عند اخوياي صعبة يقعدون وماعندهم احد رح لهم
ابراهيم: انا لله انت وهالاخواي ماادري هم اخوياي واللا اخوياك
محمد: عجل يااخي
ابراهيم: شين وقوي عين بعد اصبر باروح للمغاسل اغسل عقب ذا الطابعة واعدل شماغي
البنات معاد عرفو وش يسوون على طول راحوا للحمام وقفلوا الباب
استغربوا من صوت القفل
ابراهيم: انت كان معك احد
محمد: لا
ابراهيم : لا عاد جد من في الحمام
محمد: وش يدريني
ابراهيم : اخاف اسيل من ورانا
محمد: انطم احسن لك مابقى اللا انت تشكك فيني
اسيل لانها هي وريهام كانوا يسمعون استحت وطاح وجهها وريهام خلاص معاد تقدر بتموت من الضحك بس كاتمه علشان مايسمعون
ابراهيم: ايه انا بالعقل يااخي انت كنت موجود عادي بعدين يوم جيت انا انقفل الباب يعني بالمنطق وش معناته
محمد: رح غسل واطلع لاخوياي ابرك
ابراهيم: اعترف يااخي تراي اخوك العزيز
محمد: اذلف بس مابقى اللا البزران يشككون فيني
ابراهيم : افا وانا اخوك علشان اسيل تخسر اخوك افا والله ياحيف عالرجال
محمد وصلت معه : ابراهيم انطم
ابراهيم حس انه زودها شوي : طيب
اسيل خلاص معاد تقدر استحت معقولة محمد يـ..... لا مستحيل مستحيل طيب وش معنى انا من بين كل البنات اووووف
ريهام : الو راكان تعال جوا البيت بسرعة تكفى
راكان: وليه ان شاء الله وبعدين وين السلام
ريهام : انا محبوسة في الحمام مايصلح اسلم
راكان : وش قعدك في الحمام
ريهام : انت تعال وبس
اسيل : هيه من تكلمين
راكان : الو ريهام معك احد
.............................................
الباقي في الجزء القادم ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملووكة
مشرفة ملاك للقصص
مشرفة ملاك للقصص


انثى
عدد الرسائل : 48
تاريخ التسجيل : 12/12/2006

مُساهمةموضوع: رد: بريق الحب ...   الثلاثاء يناير 09, 2007 4:53 pm

رووعة وكمليها بسرعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملووكة
مشرفة ملاك للقصص
مشرفة ملاك للقصص


انثى
عدد الرسائل : 48
تاريخ التسجيل : 12/12/2006

مُساهمةموضوع: رد: بريق الحب ...   الخميس يناير 18, 2007 4:52 pm

وين الجزء اللي بعده يلا بسرعة نزليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بريق الحب ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اليازيه محمد :: اقسام ملاك الادبيه :: ملاك للقصص والروايات-
انتقل الى: